នេះឬកូនម្ដាយ…!!!

02 ថ្ងៃ ចន្ទ កក្កដា 2012

≈ បញ្ចេញមតិ

នេះឬកូនម្ដាយ…!!!

(បទកកាតិ)

កូនមានកំណើត ម៉ែប្រឹងបង្កើត                       ទើបកើតកូនស្ងួន
ដល់កូនពេញវ័យ ស្រដីភ្លេចខ្លួន                        ភ្លេចគិតថាខ្លួន
ស្ងួនអ្នកក្រក្រី           ។
ឬកពាមិនសម ម៉ែខំបន្លំ                               សន្សំការល័យ
ព្រោះខ្លាចកូនស្ងួន នឹមនួនត្រូវក្ស័យ ព្រាត់ពីម្ដាយថ្លៃ
អប្រិយពេកណាស់ ។
កូនចង់បានអ្វី ម៉ែខំឃ្មាតខ្មី                         ទាំងវ័យចំណាស់
ប្រឹងព្រោះរូបកូន មិនគិតខ្លួនចាស់                  ម៉ែប្រឹងប្រែងណាស់
អៀនខ្មាស់គ្មានគិត ។
ស៊ូខំធ្វើការ លំបាកម្ដេចម្ដារ                  ចិន្ដាទប់ចិត្ត
ឲ្យតែកូនខ្លួន ស្ងួនបានល្អពិត                   កាយម៉ែមិនគិត
ព្រោះពិតរូបកូន     ។
ចង់ឲ្យកូនល្អ ម៉ែស៊ូត្រដរ                            បន្តតាមក្បូន
ពុះពារឧបសគ្គ ស្ទើរធ្លាក់ខ្លួនសូន្យ                 ជីវិតដូចក្បូន
សូន្យលើជលស័យ   ។
ទោះជាយ៉ាងណា ក៏ម៉ែមិនថា                           ជីវ៉ាឡើយថ្លៃ
ឲ្យតែរូបកូន ស្ងួនបានប្រពៃ                      ម៉ែសុខចិត្តក្ស័យ
ក្នុងថ្ងៃណាមួយ        ។
តែខុសការស្មាន រូបកូនមិនបាន                     ក្សាណដូចម៉ែស្ទួយ
បែរសេពគប់មិត្រ គំនិតបោះពួយ                     មិនដែលចេះជួយ
លើកស្ទួយឲ្យល្អ      ។
ដើរលេងស៊ីចាយ ហ៊ឹកហ៊ាក់សប្បាយ               ភ្លេចម្ដាយកម្រ
មិនគិតសិក្សា ស្រវ៉ាបន្ត                               មិត្រមិនបរវរ
ត្រដររាប់អាន          ។
មកដល់ឥឡូវ ទើបម៉ែស្គាល់ត្រូវ                  ផ្លូវកូនប៉ុន្មាន
សេពម៉ាអាភៀន ញៀនម៉ូតូឡាន                    ទាំងម៉ែមិនស្មាន
កល្យាណដល់ម្លឹង។
ហេតុអ្វីរូបកូន ភ្លេចសណ្ដានខ្លួន                ដែលស្ងួនបានដឹង
យើងអ្នកចម្ការ ស្រវ៉ាចេះដឹង                        គ្មានទេបែបហ្នឹង
កូនដឹងយូរហើយ     ។
កូនហ៊ានបំពាន ជក់ម៉ាអាភៀន                   គ្មានកោះគ្មានត្រើយ
មិនថាពេលយប់ ព្រលប់សោះឡើយ             ទោះថ្ងៃក៏ដោយ
គ្មានឡើយរៀនសូត្រ ។
មកដល់ឥឡូវ កូនហ៊ានដល់ទៅ               ផ្លូវកាចមិនស្លូត
ចេះកាប់សម្លាប់ ចាប់ជំរឹតបូត                     ឆក់ភ្លន់ដកហូត
អ្នកស្លូតយកប្រាក់   ។
មិនតែប៉ុណ្ណោះ កូនគ្មានស្រណោះ             សណ្ដោសម្ដាយអ្នក
សំលត់ម៉ែវិញ គ្មានទោរម្នេញជាក់           ឲ្យតែបានប្រាក់
គុកច្រវ៉ាក់ឥតខ្លាច    ។
លែងស្គាល់បាបបុណ្យ មិនខ្វល់ទោសគុណ             ធ្ងន់ចិត្តអង្គអាច
មិនក្រែងនរណា ឥតរអាភ័យខ្លាច                 ព្រោះចិត្តកំណាច
គ្មានខ្លាចនរណា       ។
ប៉ូលីសបានដឹង គេគ្រេវក្រោធខឹង                 ខំប្រឹងសហការ
រិះរកវិធី អំពីកិច្ចការ                         ត្រូវធ្វើយ៉ាងណា
ជាការចាប់ខ្លួន          ។
ខិតខំស្វែងរក រាល់ទីជម្រក                        កូនជ្រកបំពួន
ទោះកន្លែងណា ជីវ៉ាលាក់ខ្លួន                         ក៏នៅតែស្ងួន
គេចខ្លួនមិនផុត        ។
គេចាប់បានកូន ម៉ែស្ទើរក្ស័យសូន្យ               សូន្យព្រោះតក់ស្លុត
បាត់បង់កល្យាណ ខ្លួនបា្រណស្រយ៉ុថ              ដង្ហើមតក់ស្លុត
ស្ទើរផុតសង្ខារ         ។
កូនបែកម្ដាយទៅ កូនត្រូវរស់នៅ                   ស្គាល់ផ្លូវសុខា
កុំរស់ចោលម្សៀត មាយាទឥតការ                  កូនស្ដាប់ម្ដាយណា
ណាកូនមាសម្ដាយ…៕ (ចប់…)
សៅ ពីងទូ ខ្ញុំ លើកហត្ថប្រណម្យ            សូមឈប់បរិយាយ
ឃ្លោងឃ្លាខ្វះខាត ខ្ញុំបាទសម្រាយ                   អ្នកស្ដាប់ជិតឆ្ងាយ
មេត្តា-ករុណា…!!!…៕
និពន្ឋដោយ សៅ ពីងទូ

ដំណើរដំណឹងស្វែងរកនារី…!!!

02 ថ្ងៃ ចន្ទ កក្កដា 2012

Posted by openinstitute4u in កំណាព្យ

≈ បញ្ចេញមតិ

ដំណើរដំណឹងស្វែងរកនារី…!!!

(បទពាក្យប្រាំបី)

ខ្ញុំសៅ ពីងទូ គិតគូរឃ្មាតខ្មី ស្វែងរកស្ត្រី ឥតបីនារី
សម្បុរសម្រស់ សម្ផស្សសំភី សក្ដិសមរម្យណី ជីវីស្ម័គ្រថែ                 ។
សរខ្មៅមិនគិត សុំចិត្តជ្រះថ្លា                         ស្រស់ស្អាតហ៊ឺហារ ស្ថានការណ៍កុនកែ
គិតគូរតម្រូវ ត្រូវសង្គមខ្មែរ ស្ម័គ្រស្មោះគ្មានប្រែ ក្ដីស្នេហ៍ឋិតថេរ     ។
សុភាពរាបសារ ប្រាជ្ញាមោះមុត គ្រប់គ្រងផ្គង់ផ្គត់ ម៉ត់ចត់ឥតរេ
សម្ដីសំដៅ ពាល់ត្រូវលើគេ មិនចេះស្ដីជេរ គេឬគ្រួសារ                   ។
កម្ពស់កម្ពរ រូបល្អសមរម្យ មិនធាត់មិនស្គម សមល្មមកាយា
សក់ខ្មៅរលោងក្រងលើកេសា                       ប្រៀបដូចអប្សារា កិន្នរ៍សួគ៌ឋាន          ។
ដំណើរទន់ភ្លន់ ទោរទន់ធរណី                       ជំហានមួយពីរ ធរណីសុខសាន្ដ
មិនទន្រ្ទាំជើង បំប៉ើងលំអាន                         មើលទៅប្រៀបបាន សណ្ដានចេះដឹង   ។
ក្មេងចាស់មជ្ឈឹម សុំត្រឹម ២០ចុះ                    មេត្តាសណ្ដោស អាយុប៉ុណ្ណឹង
មិនគិតក្មេងវ័យ អភ័យព្រលឹង                       សំខាន់ចិត្តហ្នឹង ចេះដឹងបានល្អ            ។
និយាយយូរហើយ គ្មានឡើយខ្លួនឯង             ឥឡូវសូមថ្លែង សម្ដែងបន្ត
សម្បុរសំបៅ មិនខ្មៅមិនសរ                          មិនមានមិនក្រ មិនល្អមិនស្អាត            ។
កម្ពស់កម្ពរ ក៏មិនខ្ពស់ទាប                             ខ្ញុំបាទជំរាប ជ្រាបដោយសង្វាត
សក់អង្គាដី អភ័យផងបាទ                             ចរិតមាយាទ ឆ្លៀតកាលវេលា           ។
ចូលចិត្តបរិយាយ សម្រាយលេងសើច ឃ្លោងឃ្លាសំណើច គេសើចគ្រប់គ្រា
សម្ដីសំដៅ ត្រូវពេលវេលា                             ប្រកែកឈ្លោះគ្នា គ្មានគ្រាជួបឡើយ     ។
មិនអួតកោងកាង សំអាងនរណា អ្នកម៉ែលោកប៉ា កត់ត្រាឥតស្បើយ
មាត់លេងចិត្តស្មោះ ឥតខ្ចោះសោះឡើយ មិនដែលកន្តើយ ហ្នើយរឿងកិច្ចការ    ។
រៀបរាប់មិនអស់ ចន្លោះខ្វះខាត ពីងទូ ខ្ញុំបាទ សង្វាតប្រាប់ថា
សូមអភ័យទោស សណ្ដោសផងណា ផ្ដល់នូវករុណា មេត្តាខ្ញុំផង                   ។
មានក្ដីងឿងឆ្ងល់ ផ្ដល់បន្ថែមបាន អ្នកស្ដាប់ឬអាន ក្រែងមានឆ្គាំឆ្គង
តាមលេខទូរស័ព្ទ ខ្ញុំប្រាប់កត់ផង                    បីខ្សែរស្នេហ៍ស្នង នួនល្អង Ask me       ។
077820344-016820344

ក្ដីស្នេហ៍ខ្ញុំអើយ…!

02 ថ្ងៃ ចន្ទ កក្កដា 2012

Posted by openinstitute4u in កំណាព្យ

≈ បញ្ចេញមតិ

ក្ដីស្នេហ៍ខ្ញុំអើយ…!

( បទកាកតិ )

ក្ដីស្នេហ៍ខ្ញុំអើយ ចុះហេតុម្ដេចឡើយ                ឲ្យខ្ញុំសោកា
បានជួបស្នេហ៍ភ្លាម                     ត្រៀមចិត្តឈឺផ្សារ                 តើធ្វើយ៉ាងណា
ទុក្ខារសាយ                   ។
ក្ដីស្នេហ៍ខ្ញុំអើយ                           សូមមេត្តាឆ្លើយ ឲ្យចិត្តសប្បាយ
បានជួបស្នេហ៍ច្បាស់                  គួរណាស់ស្រស់ស្រាយ            ស្នេហ៍នៅកៀកកាយ
ម្ដេចឆ្ងាយបេះដូង          ។
ក្ដីស្នេហ៍ខ្ញុំអើយ                            ម្ដេចនៅកន្តើយ ឆ្លើយប្រាប់ដំបូង
គេមានគូរហើយ                         ម្ដេចឡើយបេះដូង                  ញាប់ញ័រធីងថូង
ចង់ឈោងថ្នមស្នេហ៍    ។
ក្ដីស្នេហ៍ខ្ញុំអើយ                         បានដឹងច្បាស់ហើយ              ហ្នើយប្ដូរចិត្តក្បែរ
គ្មានភ័ព្វសំណាង                         សាងថ្នាលថ្នមថែរ                  បានត្រឹមលួចស្នេហ៍
គេមានម្ចាស់ចិត្ត           ។
ក្ដីស្នេហ៍ខ្ញុំអើយ                         គួរអ្នកព្រងើយ                        ឆ្លើយប្រាប់ជីវិត
កុំគិតបន្ត ត្រដរគំនិត ក្ដីស្នេហាពិត
ចិត្តគ្មានឆ្គាំឆ្គង              ។
ក្ដីស្នេហ៍ខ្ញុំអើយ                          អ្នកគិតត្រូវហើយ                    កុំឡើយគិតប៉ង
គេមានគូរគេ                              ឋិតថេរស្នេហ៍ស្នង                   ស្មោះស្ម័គ្រអូនបង
ឆ្លងការឈឺចាប់             ។
ក្ដីស្នេហ៍ខ្ញុំអើយ                         បានត្រឹមចម្លើយ                      ឆ្លងឆ្លើយសារស័ព្ទ
សួរឆ្លើយខ្លួនឯង                          ម្នាក់ឯងផ្ទៀងស្ដាប់                   ឲ្យការឈឺចាប់
ឆាប់រលាយទៅ              ។
ក្ដីស្នេហ៍ខ្ញុំអើយ ហេតុទាំងនេះហើយ                ឲ្យផុតហ្មងសៅ
ស្នេហ៍គេធ្វើអ្វី                             ស្រីគេចែចូវ ចេញឆ្ងាយតាមផ្លូវ
ត្រឹមត្រូវសុខសាន្ដ…       ៕
និពន្ធរៀបរៀងនិងរចនាដោយ៖ សៅ ពីងទូ ស្វាគមន៍ការទិតៀន ៖077820344-016820344

ជូនពរទិវាសិទ្ធឹនារី ៨ មីនា ២០១២

02 ថ្ងៃ ចន្ទ កក្កដា 2012

Posted by openinstitute4u in កំណាព្យ

≈ បញ្ចេញមតិ

ជូនពរទិវាសិទ្ធឹនារី ៨ មីនា ២០១២
(បទពាក្យប្រាំពីរ)
៨ មីនា ជាដុំពេជ្យ មិនត្រូវបំភ្លេច ត្រូវរំលឹក
រួមគ្នាអបអរ ដ៏សន្ធឹក                     យើងត្រូវតែនឹក ឃើញថ្ងៃសិទ្ធឹ     ។
ប្រាំបីមីនា ថ្លាបរិសុទ្ធ                     ថ្ងៃដែលឆ្លងផុត ពីជំរឹត
រំលោភបំពាន ផ្ដាច់ជីវិត                 នារីឆ្ងាយជិត មានសេរី              ។
ប្រជាពលរដ្ឋ ទាំងតូចធំ មូលមីជួបជុំ ថ្ងៃប្រាំបី
ជូនពរនារី លើលោកីយ៍ ពិសេសស្ត្រី កម្ពុជា                  ។
សូមជូនពរជ័យ ស្រីមង្គល សុខសាន្ដបានដល់ អ្នករាល់គ្នា
អាយុ វណ្ណ: សុខ ពាលា                 បរទេសកម្ពុជា ញាតិទាំងឡាយ ។
សូមជូនពរជ័យ ដល់នារី                ជួបតែរមណី សុខសប្បាយ
កិត្តិស័ព្ទស្រ្តី ល្បីសុសសាយ            សាងជាតិឃ្លាតឆ្ងាយ គ្រប់ទិសទី។
សូមជូនពរជ័យ ថ្ងៃទិវា                   ៨ មីនា ២០១២
រក្សាខ្លឹមបី ស្រីសំភី                        សុខភាពជីវី ល្អពិសិដ្ឋិ             ។
អវសាន្ដកាព្យា ជាចុងក្រោយ            សូមជូនពរឲ្យ ជួបស្នហ៍ស្នឹទ្ធិ
ជួបស្នេហ៍ស្មោះស ល្អប្រណិត          ស័ក្ដិសមដូចចិត្ត ឥតសាវ៉ា       ។
ពីងទូខ្ញុំបាទ សង្វាតស្ដី លើកពរល្អជ័យ ស្ត្រីខេមរា
ទាំងពលរដ្ឋខ្មែរ ស្រែចម្ការ ទីក្រុងក្នុងផ្សារ ទាំងក្មេងចាស់់ ។
បើមានខ្វះខាត មិនស្អាតស្អំ              ពីងទូខ្ញុំសុំ-ទោសយ៉ាងច្បាស់
និងសូមលើកដៃ ឡើងសំពះ             មីងពូក្មេងចាស់ ប្រោសប្រណី ។
ទិតៀនជួបផ្ទាល់ ឬទូរស័ព្ទ ខ្ញុំបាទសូមប្រាប់ ០៨៨-
៨៨២-០៣-៤៤ ស្ងួនស្ដី ០៩៣-៣៣-៩៣-១៨         ៕
និពន្ធ រៀបរៀង និងរចនាដោយ៖ សៅ ពីងទូ 077820344-016820344

កំណាព្យ-ជូនពរថ្ងៃ ១៤ កុម្ភះ បុណ្យនៃសេចក្ដីស្រឡាញ់…!(និពន្ឋដោយ សៅ ពីងទូ)

18 ថ្ងៃ អាទិត្យ មីនា 2012

Posted by សមាជិកក្រុមOpeninstitute4u in កំណាព្យ

≈ បញ្ចេញមតិ

( បទពាក្យប្រាំពីរ )

សៅ ពីងទូ ខ្ញុំ សុំលើកពរ សិរីបរវរ ពរទាំងឡាយ
ជូនដល់ឱកាស បុណ្យសប្បាយ ប្រជាជិតឆ្ងាយ លើលោកា                    ។
១៤ កុម្ភះ អ្នកកុំភាន់- ច្រឡំចំអន់ បុណ្យសង្សារ
មិនមែនពិធី ក្ដីស្នេហា                                 ជួបគូរសង្សារ អ្វីនោះឡើយ                  ។
គឺបុណ្យនៃសេច-ក្ដីស្រឡាញ់                        តទៅតបវិញ ទោរម្នេញស្បើយ
ពិសេសមានម៉ែ-ឪហ្នឹងហើយ ដែលកូនត្រូវឆ្លើយ-តបព្រះគុណ                 ។
មានបងមានប្អូន កូនចៅញ្ញាតិ មិត្រភក្ដិផងទៀត កុំស៊យស៊ន់
គោរពប្រណិបត្តិ ធ្យ័តពេកពន់ រំលឹកនឹកគុណ្យ តាមប្រពៃ                        ។
ដៃគូរស្នេហា ក៏ដូចគ្នា បណ្ដារប្រជា-ជនប្រុសស្រី
យល់ដឹងឲ្យល្អិត គិតដល់ថ្ងៃ- នៃសេចក្ដីស្រ-ឡាញ់គ្រប់គ្នា                      ។
១៤ កុម្ភះ ២០១២ បុរសនារី កម្ពុជា
សូមឲ្យជួបពរ ល្អគ្រប់គ្នា សុខាសុខជា គ្រាអស្ចារ្យ                       ។
ពេលធ្វើដំណើរ ដើរឆ្ងាយជិត សូមមានគំនិត គិតរក្សា
អាយុជីវិត ឲ្យថ្លៃថ្លា គេចផុតទុក្ខា កុំជួបអី                          ។
សូមឲ្យបាត់បង់ ការគុំគួន តណ្ហាក្នុងខ្លួន ស្ងួនប្រណី
ស្គាល់ច្បាស់មេត្តា បានសុខី ទោះប្រុសឬស្រី ក្មេងឬចាស់                ។
សូមឲ្យជួបពរ បួនប្រការ សម្បត្តិបីណា ល្អខ្លាំងណាស់
អាយុ វណ្ណ: សុខ: ច្បាស់ ពាល: ក្រែលក្រាស់ សែនសុខសាន្ដ     ។
សម្បត្តិមួយមនុស្ស ពីរទេវតា ទីបីអស្ចារ្យ ព្រះនិព្វាន
សូមឲ្យបានដល់ កុសលឋាន                           បានសុខក្សេមក្សាណ គ្រប់គ្រួសារ     ។
សូមឲ្យចេះយោគ យល់ដល់គ្នា                        សាមគ្គីសាមគ្គា សាងវាសនា
អ្នកក្រុងអ្នកស្រែ ស្នេហ៍ខេមរា ល្បីដល់លោកា ថ្លាសុសសាយ            ។
ជាចុងក្រោយខ្ញុំ សៅ ពីងទូ ផ្គុំហត្ថទាំងគូរ ឈប់បរិយាយ
សូមលាប្រិយមិត្រ មិត្រជិតឆ្ងាយ តាមការសម្រាយ អធិប្បាយខាងលើ ។
បើមិនទំនង ឆ្គងត្រង់ណា សុំក្ដីមេត្តា ព្រោះនៅស្ទើរ
សូមជួយទិតៀន ខ្ញុំរៀនមើល ទូរស័ព្ទមានប្រើ លេខខាងក្រោម………….៕
និពន្ឋនិងរៀបរៀងដោយ សៅ ពីងទូ Tel: (016820344,077 820344,)